Saturday

ഊഹക്കൃഷി

 ഊഹക്കൃഷി
-----------------------------
ഹരി വിപണി തകര്‍ന്ന
വാര്‍ത്തയ്ക്കിടയിലാണ്
ഓണം വരുന്നുവെന്ന്
ടീ വി യില്‍ പരസ്യം കണ്ടത് ..
ആധി പിടിച്ച അമ്മമാര്‍
ഇനി ഇരവു പകല്‍ ഇല്ലാതെ
ഇരക്കണം....!!
പൂക്കളും
പഴങ്ങളും
പച്ചക്കറിയും വരാന്‍
പാണ്ടി ലോറികള്‍
ചുരമിറങ്ങണം .
പൊന്നാര്യനും,കൊണ്ടലും
കടല്‍ കടന്നു ! 
ഉപ്പു പാടത്ത് മീനും
ചപ്പിലയും വിളയുന്നുണ്ട്‌.
വഴിയോരങ്ങള്‍ ഇനി
പരദേശികളും വണികരും ഭരിക്കട്ടെ
നമുക്ക് ഓഹരിപ്പാടങ്ങളില്‍
 ഊഹക്കൃഷി  നടത്താം ..
ഇടവേളകളില്‍  ടീ വിയിലെ
ഓണവും വിഷുവും  കണ്ട് 
ആര്‍പ്പോ.... ഇര്‍.. റോ.... വിളിക്കാം !!!
***
-------------------------------------------- 
ചിത്രം ഡിസൈനിംഗ് :ഞാന്‍ തന്നെ :)